विद्यापीठ कायद्यात तातडीने बदल करा

विद्यापीठ कायद्यात तातडीने बदल करा

म. टा. प्रतिनिधी , पुणे

डॉ. अनिल काकोडकर , डॉ. अरुण निगवेकर आणि डॉ. राम ताकवले यांच्या अध्यक्षतेखालील समित्यांच्या शिफारशींची तातडीने अंमलबजावणी करा , असे निर्देश राज्यपाल आणि राज्य विद्यापीठांचे कुलपती के. शंकरनारायणन यांनी मंगळवारी दिले. त्यामुळे विद्यापीठ कायद्यातील बहुप्रतीक्षित बदल आणि कॉलेजांचा बोजा हलका करण्यासाठी विद्यापीठांचे विभाजन या प्रक्रियांना गती येणार आहे.

राज्यातील अकृषी विद्यापीठांच्या कुलगुरूंची संयुक्त मंडळाची (जेबीव्हीसी) वार्षिक बैठक मंगळवारी मुंबईत पार पडली. त्या वेळी राज्यपालांनी सरकारला याबाबत निर्देश दिले. उच्च शिक्षणातील सुधारणांबाबत शिफारशी करण्यासाठी डॉ. निगवेकर , डॉ. ताकवले आणि डॉ. काकोडकर यांच्या समित्या नेमल्या होत्या. तिन्ही समित्यांनी अहवाल सादर करून वर्ष लोटले. मात्र , त्यावर अद्याप कोणताही निर्णय घेण्यात आलेला नाही. राज्यपालांच्या निर्देशांमुळे या अहवालांवरील धूळ आता तरी झटकली जाईल , अशी आशा व्यक्त होत आहे. या अहवालांतील सूचना अमलात न आणल्यास उच्च शिक्षण क्षेत्राला त्याचे विपरीत परिणाम भोगावे लागतील , अशा परखड शब्दांत राज्यपालांनी मंगळवारी टिप्पणी केली.

' राज्यात येणारी परदेशी गुंतवणूक लक्षात घेता उच्च शिक्षणाचाही अधिक विस्तार होणे आवश्यक आहे. राज्य सरकारने विद्यापीठांना यासाठी सर्वतोपरी साह्य करावे. जागतिक स्पर्धेत टिकून राहायचे असेल , तर राज्यातील उच्च शिक्षणाचा दर्जा वाढला पाहिजे ,' असे राज्यपालांनी सांगितले.

विद्यापीठ कायद्यातील सुधारणांच्या मसुद्यास अंतिम स्वरूप देण्यात आले असून , एक महिन्यात हा मसुदा मंत्रिमंडळ बैठकीत ठेवण्यात येईल आणि येत्या हिवाळी अधिवेशनात विधेयक मांडण्यात येईल , अशी माहिती उच्च व तंत्रशिक्षण मंत्री टोपे यांनी दिली.

व्होकेशनल , क्रीडा विद्यापीठे लवकरच

राज्यात लवकरच व्यवसाय प्रशिक्षण आणि कौशल्य विकास विद्यापीठाची ; तसेच क्रीडा विद्यापीठाची स्थापना करण्यात येणार असल्याचे मुख्यमंत्री पृथ्वीराज चव्हाण यांनी सांगितले. त्याचप्रमाणे सर्व विद्यापीठांमधील अभ्यासक्रम , परीक्षा पद्धती यामध्ये एकसूत्रता आणण्याचाही प्रयत्न केला जाईल , असे त्यांनी नमूद केले.

Librarian
Nitin Joshi

पारंपरिक अभ्यासक्रमांसाठी ‘C P CELL’

पारंपरिक अभ्यासक्रमांसाठी ‘C P CELL’

म. टा. प्रतिनिधी , पुणे

इंजिनीअरिंग- मॅनेजमेंटच्या विद्यार्थ्यांना मिळणा-या कॅम्पस प्लेसमेंटसारखी सुविधा पारंपरिक अभ्यासक्रमांच्या विद्यार्थ्यांनाही मिळावी , म्हणून पुणे विद्यापीठाने पावले उचलली आहेत. विद्यापीठाच्या कार्यक्षेत्रात जिल्हापातळीवर ' सेंट्रलाइज्ड प्लेसमेंट सेल ' सुरू करण्यापासून त्याची सुरुवात झाली आहे.
विद्यापीठाच्या विद्यार्थी कल्याण मंडळामार्फत अशा सेलसाठी लागणारी सर्व मदत पुरविली जाणार आहे. मंडळाचे संचालक डॉ. पंडित शेळके यांनी या उपक्रमाविषयी ' मटा ' ला माहिती दिली. मंडळामार्फत पुणे विद्यापीठामध्ये हवाई दलासाठीचे भरती शिबिर नुकतेच आयोजित करण्यात आले होते. या शिबिरामध्ये मिळालेला प्रतिसाद आणि त्याबाबतच्या मर्यादा समोर आल्यानंतर मंडळातर्फे जिल्हा पातळीवर असे सेल सुरू करण्याचा प्रस्ताव पुढे आला. त्याला संबंधित कॉलेजांकडून आणि मंडळाच्या जिल्हा समन्वयकांकडूनही सकारात्मक प्रतिसाद मिळाला. त्यानंतर पुढची पावले मंडळाने उचलल्याचे डॉ. शेळके यांनी स्पष्ट केले.
डॉ. शेळके म्हणाले , ' विद्यापीठांतर्गत येणाऱ्या व्यावसायिक कॉलेजांमध्ये कॉलेजपातळीवरील प्लेसमेंट सेलचे कार्यरत आहेत. त्यांना कंपन्यांकडून मिळणारा प्रतिसादही चांगला आहे.
त्याचप्रमाणे उद्योगांना आर्ट्स , कॉमर्स , सायन्समध्ये पदवी-पदव्युत्तर शिक्षण घेतलेल्या उमेदवारांचीही गरज पडते. या विद्यार्थ्यांसाठी मात्र प्लेसमेंट सेलची कोणतीही सुविधा उपलब्ध नव्हती. विभागातर्फे पिंपरी-चिंचवड इंजिनीअरिंग कॉलेजमध्ये चालविण्यात येणाऱ्या प्लेसमेंट सेलच्या माध्यमातून कंपन्यांची अशा विद्यार्थ्यांविषयीची गरज लक्षात आली. त्यानंतर प्रत्येक जिल्ह्यामध्ये असा सेल उभारण्याची कल्पना पुढे आली. '

' कंपन्यांनाही विभागामार्फत कॉलेजांपर्यंत पोहोचविणार '

नगर जिल्ह्यात नगरमधील न्यू आर्ट्स , कॉमर्स अँड सायन्स कॉलेज आणि श्रीरामपूर येथील सी. डी. जैन कॉलेज , नाशिक जिल्ह्यासाठी पंचवटी येथील लोकनेते व्यंकटराव हिरे कॉलेजमध्ये सध्या असे सेल उभारण्यात येत आहे. या सेलमध्ये जवळपासच्या पाच ते दहा कॉलेजांनी एकत्र येऊन प्लेसमेंटसाठीचे उपक्रम सुरू करण्यासाठी विभाग प्रयत्नशील आहे. त्यासाठी आवश्यक कंपन्यांनाही विभागामार्फत संबंधित कॉलेजांपर्यंत पोहोचविण्यात येणार असल्याचे विद्यार्थी कल्याण मंडळाचे संचालक डॉ. पंडित शेळके यांनी सांगितले. 

Librarian

Nitin Joshi

Maharashtra Times Dt. 4/9/13

एमआयटीत अवतरले ‘सत्याग्रही’

                    

म. टा. प्रतिनिधी , पुणे

कोथरूडमधील एमआयटी कॉलेजचा कॅम्पस... वेळ दुपारी सव्वादोनची....अजय देवगण , अर्जुन रामपाल आणि प्रकाश झा असे तीन ' सत्याग्रही ' सेलिब्रेटी या कॅम्पसमध्ये अवतरले आणि मोबाइल आणि कॅमेराचा एकच क्लिककिलाट सुरू झाला. या सेलिब्रेटींना जवळून पाहण्यासाठी त्यांची छबी टिपण्यासाठी विद्यार्थी , विद्यार्थिनींची अखंड धडपड सुरू होती.

' एमआयटी स्कूल ऑफ गव्हर्न्मेंट ' तर्फे जानेवारी २०१४ मध्ये आयोजित करण्यात येणाऱ्या चौथ्या ' भारतीय छात्र संसदे ' च्या नावनोंदणीची सुरुवात सत्याग्रह चित्रपटाच्या टीमच्या हस्ते मंगळवारी करण्यात आले. ' सत्याग्रह ' चे निर्माते , दिग्दर्शक प्रकाश झा , प्रसिद्ध अभिनेते अजय देवगण आणि अर्जुन रामपाल , एमआयटीचे संस्थापक डॉ. विश्वनाथ कराड , भारतीय छात्र संसदेचे समन्वयक प्रा. राहुल कराड , प्रा. डॉ. रवी चिटणीस , प्रा. डी. पी. आपटे , प्रा. डॉ. सायली गणकर , डॉ. एन. टी. मोरे , बाळासाहेब दराडे आदी उपस्थित होते.

' कोणत्याही प्रकारची गाडी चालविण्यासाठी लायसन्सची गरज असते. परंतु , राजकारणी होण्यासाठी कोणत्याही प्रकारची पात्रता लागत नाही , याचा मला खेद वाटतो. भारतात युवकांची संख्या मोठी आहे. या युवांनी बदलाची सुरुवात स्वतःपासून केल्यास देशात अनेक चांगले बदल घडू शकतील. युवकांनी मतदान करताना आपण कोणाला आणि का मतदान करतो आहोत , याचा विचार करूनच मतदान करावे ,' असे अजय देवगण याने सांगितले.

' प्रत्येक व्यक्तीमध्ये एक नायक आणि एक खलनायक दडलेला असतो. त्यातील कोणत्या वृत्तीला जागृत करायचे , हे प्रत्येकाने स्वतःच ठरविले पाहिजे. बदल हवा असेल , तर स्वतःपासूनच सुरुवात केली पाहिजे. मी कोणत्याही महिलेला त्रास होईल , असे वर्तन करणार नाही , याची शपथ प्रत्येकाने घेतली पाहिजे ,' असे अर्जुन रामपाल याने सांगितले.

' काही व्यक्ती आणि त्रुटींमुळे सध्याची लोकशाही व्यवस्था बिघडलेली आहे. ही व्यवस्था सुधारण्यासाठी युवकांचे योगदान आवश्यक आहे. युवकांनी ही जबाबदारी ओळखली पाहिजे. बदल घडविण्यासाठी लोकांमध्ये मिसळून लोकशाही मार्गानेच परिवर्तन घडवून आणले पाहिजे ,' असे झा यांनी सांगितले.

Librarian

Nitin Joshi 

Bharatiya Chhatra Sansad (Indian Student Parliament)

Bharatiya Chhatra Sansad (Indian Student Parliament) cordially invite you for "Clarion Call to Youth" by Eminent Film Personalities "Ajay Devgan, Arjun Rampal & Prakash Jha" at 2.00 pm on Tuesday, 3rd Sept. at MIT Campus, Kothrud, Pune (Fm:www.bharatiyachhatrasansad.org / www.mitsog.org/10-12 Jan 2014)

Bill Gates Foundation upgrads Public Libraries in Bihar

 PATNA: The Bill and Melinda Gates Foundation has decided to upgrade two public libraries in Bihar by 2015 under the banner of its Global Libraries (GL) programme. One of them is Gate Public Library in the state capital while the other is to be chosen between Shree Krishna Seva Sadan, Munger, and Bihar Hitaishi Pustkalay, Patna City.

"The main objective of the programme is to ensure the availability of critical information and state-of-the-art knowledge resources for the libraries in Bihar. Another focus area of this project is to forge partnership with relevant and potential partners from government and private sectors to add value to this project," said B Shaddrac, a representative of the foundation, here on Tuesday.

He said the foundation has selected Nasscom Foundation and Digital Empowerment Foundation to coordinate in its endeavour of enhancing the functioning of public libraries in Bihar through digital cataloguing for ready reference and has allotted a gross fund of US$100,000 to these foundations for the implementation of the project. "We have been experimenting with new ideas and hope for positive results," Shaddrac added.

The project, when completed, will prove to be a great help for the academicians of adjacent areas, said Digital Empowerment Foundation representative Saeed Kazi.      Librarian                                                                                                                                                    Nitin Joshi                                                                                                                                                                               

इंजिनीअरिंग, MBA ची कॅम्पस प्लेसमेंट ऑनलाइन

इंजिनीअरिंग, MBA ची कॅम्पस प्लेसमेंट ऑनलाइन

इंजिनीअरिंग आणि एमबीएची ' कॅम्पस प्लेसमेंट ' आता ' ऑनलाइन ' होऊ घातली आहे. अखिल भारतीय तंत्रशिक्षण परिषदेचे (एआयसीटीई) जॉब पोर्टल देशातील तंत्रशिक्षण घेणाऱ्या सर्व विद्यार्थ्यांना एकाच व्यासपीठावर आणणार असून , कंपन्या या पोर्टलवरच आपला उमेदवार शोधू शकतील!
' जॉब पोर्टलचे काम अंतिम टप्प्यात आहे. आम्ही त्याचे टेस्टिंगही केले असून , पुढील आठवड्यात ते सुरू होईल ,' असे ' एआयसीटीई ' चे अध्यक्ष डॉ. एस. एस. मंथा यांनी ' मटा ' ला सांगितले. अशा प्रकारचे ' जॉब पोर्टल ' तयार करण्याची घोषणा ' एआयसीटीई ' ने गेल्या वर्षीच केली होती.

हे जॉब पोर्टल ' एआयसीटीई ' च्या ' ई-गव्हर्नन्स ' प्रकल्पाचा भाग आहे. यामध्ये देशभरात तंत्रशिक्षण घेणाऱ्या विद्यार्थ्यांची माहिती असेल. विद्यार्थ्याचा सीव्ही आणि प्रत्येक सत्राचे गुण त्यात असतील. ज्या कंपनीला उमेदवार हवा आहे , त्या कंपनीला त्या नोकरीसाठी योग्य असलेल्या विद्यार्थ्यांचा ' सीव्ही ' पाठवला जाईल. त्यातून कंपनी योग्य तो उमेदवार निवडू शकेल. देशभरातील विद्यार्थ्यांचा ' डेटाबेस ' या पोर्टलवर येणार असल्याने निवडीला भरपूर वाव राहील.
विद्यार्थ्यांनाही याचा फायदा होणार असून , एकाच पोर्टलवर विविध कंपन्यांचा शोध घेणे शक्य होईल. विद्यार्थी आपला ' सीव्ही ' या पोर्टलला पाठवू शकतील. सध्या अशी अनेक खासगी जॉब पोर्टल उपलब्ध असली , तरी ती सशुल्क आहेत. ' एआयसीटीई ' चे जॉब पोर्टल मात्र विद्यार्थ्यांसाठी विनामूल्य असेल.
' कंपन्यांना उमेदवार निवडीसाठी या पोर्टलचा वापर करायचा असेल , तर त्यांना त्यासाठी नोंदणी करावी लागेल ,' असे मंथा यांनी स्पष्ट केले.
' जॉब पोर्टल बरीच आहेत ; पण एखाद्या सरकारी संस्थेने ते तयार करणे हे यातील नावीन्य आहे. मात्र , भरपूर कंपन्या या पोर्टलवर येतील , तेव्हाच ते यशस्वी होईल. त्यासाठी ही यंत्रणा सक्षमतेने राबवणेही गरजेचे आहे ,' असे मत ' सीओईपी ' तील ट्रेनिंग आणि प्लेसमेंट अधिकारी प्रा. डॉ. संदीप मेश्राम यांनी व्यक्त केले.

' जॉब पोर्टल ' चे फायदे

विद्यार्थ्यांसाठी विनामूल्य
कंपन्यांना देशभरातील विद्यार्थ्यांचा ' डेटाबेस ' एका क्लिकवर
' कॅम्पस ' मध्ये निवड झालेल्यांना आणखी संधी.

 

Librarian

Nitin Joshi

SLIM User Meet 2013@ MITSOB

                                                   Invitation      

                                                        for

SLIM User Meet 2013   

Dear Professionals

We take great pleasure in inviting you to this year’s SLIM User Meet.

Venue:   MITSOB Auditorium Hall 605, 6^th Floor

Date:      6^th September, 2013

Time:    2.30 p.m. – 5.00 p.m.

Registration - FREE

All the participants are invited for High Tea at 4.30 p.m.

Please do bring along your colleagues from your library. We would appreciate it if you let us know how many of you would be coming. This will help us make adequate arrangements. Please send registration email on sales@slimkm.com before 4th September 2013. Do not forget to mention your past and present suggestions for enhancement of SLIM21 in the email.  The Best Suggestion Wins SLIM Appreciation Award 2013. To receive the award you must be present at the Meet.

For further queries, please call Ms. Laxmi Tiwari/Mr. Yogesh Patil on 020-25284796 /25281066.

We look forward to meeting you on 6^th September 2013.

             Meera Gaikaiwari- Director Algorhythms Consultants Pvt. Ltd.

              Nitin S Joshi-Chief Coordinator & Librarian MITSOM             

                                  

             Surendra U. Pardeshi –Coordinator Librarian MITSOB